Amseroedd casglu a danfon y post

Bydd y Post Brenhinol yn danfon ac yn casglu eich post o ddydd Llun i ddydd Sadwrn. Bydd hefyd yn danfon ar ddydd Sul mewn rhai ardaloedd.

Fyddwch chi ddim yn cael post ar wyliau banc.

Pryd byddwch yn cael eich post

Dylai eich post gyrraedd erbyn 3pm os ydych chi’n byw mewn tref neu ddinas, neu 4pm os ydych chi’n byw mewn ardal wledig.

Gallwch weld os bydd eich post yn hwyr ar wefan y Post Brenhinol.

Os oes rhaid i chi gasglu post o bwynt gwasanaeth i gwsmeriaid

Fel arfer, mae pwyntiau gwasanaeth i gwsmeriaid mewn swyddfeydd danfon.

Edrychwch ar yr oriau agor ar wefan y Post Brenhinol cyn casglu eich post.

Pryd bydd eich post yn cael ei gasglu

Mae amser casglu eich blwch post lleol yn dibynnu ar le rydych chi'n byw.

Mae’r casgliad olaf o swyddfa bost adeg y bydd y swyddfa bost yn cau fel rheol.

Gallwch weld pryd bydd eich post yn cael ei gasglu o flwch post neu swyddfa bost ar wefan y Post Brenhinol.

Gallwch hefyd ffonio’r Post Brenhinol i gael gwybod pryd mae’r amseroedd casglu yn eich ardal chi. Mae’r amseroedd casglu ar ddydd Sadwrn rhwng 7am a 1:30pm ym mhob man.